Sosialeweek2021

ALOHA-PRET MAANDAG

Aloha graad 8

Die Hoërskool Rustenburg skop hul eerste week van kwartaal 2 by die skool af met iets wat almal al lank na uitsien: SOSIALE WEEK. Die pret het reeds Maandag begin met die tema ‘Aloha – Hawaii’. Leerders kon hulself aantrek asof hulle op ‘n tropiese eiland vakansie hou. Met hulle grasrompies, hare vol blomme en opwindende musiek wat die hele pouse lank gespeel het, was dit ‘n dag om nooit te vergeet nie.

DISNEY DINSDAG: PRINSESSE, PRINSE EN MONSTERS

Disney graad 12 

Disney Dinsdag is propvol pret! Disney-karakters het die gange vol gewissel en daar was selfs ‘n Disney-Loop tydens eerste pouse. Die klein vierkant het gewemel van skare leerders wat die Disney-modelle op hul runway ondersteun het. Al die deelnemers was kreatief met hul kostuums en het vol selfvertroue die loopplank betree.

Disney-Loop

Dané Janse van Rensburg en Justin van Rooyen, twee matriekleerders, was aangewys as die wenners met hul unieke interpretasie. Met Dané as Cruella DeVil en Justin as haar Dalmatian het hulle kop bo water uitgestaan.

Disney-Loop wenners

Ons het Dané gevra wat haar inspirasie was om soos ‘n Disney-skurk aan te trek. Sy verduidelik: “My Engelse onderwyser, Juffrou Bianca Greyling, het my oorreed om bietjie “evil” te wees en uit die boks te dink. Ek het toe gedink om ‘n bekende “villain” te wees. Justin het besluit om soos my Dalmation aan te trek.”

Hulle uitrustings is gedeeltelik Party in the Box en wat hulle uit hul eie klerekas kon kry. Die kreatiwiteit het definitief gewys. Dané en Justin het albei weggeloop met ‘n sjokolade en ‘n R150 Kafkwadraadbewys!

– Zelmari Kruger

Disney graad 8

Disney graad 10

Disney graad 11

Disney graad 10

Disney graad 8

 

Leerders het vir die foto’s hul maskers afgehaal.

May 4, 2021

SOSIALEWEEK SKOP AF

ALOHA-PRET MAANDAG Die Hoërskool Rustenburg skop hul eerste week van kwartaal 2 by die skool af met iets wat almal al lank na uitsien: SOSIALE WEEK. […]